tractar gst update (वस्तू आणि सेवा कर) परिषदेने नुकताच १२% आणि २८% GST स्लॅब रद्द करण्याचा महत्त्वपूर्ण निर्णय घेतला आहे. यामुळे शेतीत वापरल्या जाणाऱ्या अनेक वस्तू आणि उपकरणांवरील करात कपात करण्यात आली आहे. ट्रॅक्टर आणि कंपोस्टिंग मशीनसारख्या वस्तूंवर आता १२% ऐवजी फक्त ५% GST लागेल. GST चे हे नवीन दर २२ सप्टेंबरपासून देशभरात लागू होतील.
शेतकऱ्यांसाठी दिलासादायक निर्णय tractar gst update
केंद्रीय कृषिमंत्री शिवराज सिंह चौहान यांनी या निर्णयाचे स्वागत करत ट्रॅक्टर आणि कृषी उपकरणे तयार करणाऱ्या कंपन्यांना एक महत्त्वपूर्ण आवाहन केले आहे. त्यांनी म्हटले आहे की, GST कपातीचा थेट फायदा शेतकऱ्यांपर्यंत पोहोचवला पाहिजे. जीएसटी कपातीमुळे ट्रॅक्टरच्या विविध मॉडेल्सची किंमत २३ हजार ते ६३ हजार रुपयांनी कमी होणार आहे, असेही त्यांनी सांगितले.
कृषी उपकरणे उत्पादकांच्या प्रतिनिधींसोबत झालेल्या बैठकीनंतर चौहान यांनी माध्यमांशी संवाद साधला. ते म्हणाले की, GST कमी झाल्याने कस्टम हायरिंग सेंटर्समध्ये उपलब्ध असलेली कृषी यंत्रसामग्री स्वस्त होईल आणि त्यामुळे ती भाड्याने घेण्याचा दरही कमी होईल. याचा फायदा विशेषतः लहान आणि अल्पभूधारक शेतकऱ्यांना होईल.
सरकारची जनजागृती मोहीम
tractar gst update चौहान यांनी पुढे सांगितले की, शेतीशी संबंधित उपकरणे आणि यंत्रसामग्री स्वस्त झाल्याने शेतकऱ्यांचा खर्च कमी होईल. यासाठी कंपन्या आणि डीलर्सनी हे कमी झालेले दर शेतकऱ्यांपर्यंत पोहोचवणे आवश्यक आहे. केंद्र सरकार स्वतः यासंदर्भात जनजागृती मोहीम राबवणार आहे, जेणेकरून प्रत्येक शेतकऱ्याला याची माहिती मिळेल आणि त्याला लाभ घेता येईल.
कस्टम हायरिंग सेंटर्सचा मुख्य उद्देशच हा आहे की, ज्या लहान शेतकऱ्यांकडे स्वतःची यंत्रसामग्री घेण्यासाठी पुरेसे पैसे नाहीत, त्यांना ही उपकरणे सवलतीच्या दरात उपलब्ध व्हावीत. त्यामुळे जीएसटी कपातीचा हा निर्णय त्यांच्यासाठी अत्यंत फायदेशीर ठरेल.
जीएसटी कपातीमुळे होणारी संभाव्य बचत (रुपयांमध्ये)
- ट्रॅक्टर: ४१,००० ते ६३,०००
- पॉवर टिलर: ११,८७५
- सीड ड्रील: ३,२२० ते ४,३७५
- मल्टीक्रॉप थ्रेशर: १४,०००
- हार्वेस्टर: १,८७,५००
- स्ट्रॉ रीपर: २१,८७५
- बेलर: ९३,७५०
यामुळे शेतकऱ्यांना मोठ्या प्रमाणावर आर्थिक मदत मिळेल आणि शेतीमधील यांत्रिकीकरणाला गती मिळेल.
